آنالیز فوتبال
آنالیز فوتبال
چهارشنبه, ۲۸ آذر ۱۳۹۷

دلار قوخوسو یوخسا پرسپولیس سئوداسی

دلار قوخوسو یوخسا پرسپولیس سئوداسی

اصلینده ساواش و مبارزه ایکی اساس تاکتیک ایله ایره لی گئتمه لی دیر: حریفی اولدوقجا ضعیفلندیرمه و اوزونو گوجلندیرمه. بئله نظره گلیر زنوزی فوتبال ساحه سینده بونو دوزگون منیمسه یه بیلیب. بئله کی او تراختورو حدسیز -حساب سیز گوجلندیرمه دن علاوه رقیبلری ده ضعیفلندیرمه یه چالیشمیشدیر.

زنوزی آلیش وئریش فصلینده استقلالا – علی کریمی نی اخلاقسیزلیق لا تراختورون الیندن چیخارماسینا – جاواب اولاراق جباروف لا دانیشقلار آپاریب و اونا بیر نئچه ایللیک مقاوله (قرارداد) نین باغلانماسینی تکلیف ائتدی، نهایتده اونو آلماییب، تکجه دَیه ری (قیمتی) نی قالخیزماق لا استقلالین الیندن چیخارتدی.

قلعه نوعی؛ تراختور کاپیتانلاری نین آیاغی نین آلتینی دئشیب، اولاری اخلاق سیزلیقلا سپاهانا آپاردی، آنجاق زنوزی اؤنجه دن اولچولوب – بیچیلمیش بیر پلان ایله حاج صفی نی تراختورا گتیرمیش و بئله لیکله بو پاتکه گوجلو شکلیده جاواب وئردی.

او تراختورون اوچونجو و ان سیرتیق رقیبی نی تضییقه (فشار) سالماق مقصد ایله جدی شکلیده ترابی نین پرونده سینی ایزله مه کده دیر. بئله کی حال حاضیردا اونون پرونده سی آچیق اولدوغو اوچون یئری گلدیکده پرسپولیسی معین قدر تضییق لره سالا بیلر.

زنوزی بو ایشده تکجه ترابی ایله کیفایتلنمه ییب، رامین رضائیان لا دا دانیشیقلار آپاردی. تراختور، رضائیانا ۳ ایللیک موقاوله (قرارداد) نین باغلانماسینی تکلیف ائتدی، آنجاق رضائیان یئنی دن پرسپولیسه قاییتماق آرزو سی ایله تکجه بیر ایللیک مقاوله نین باغلانماسینا راضیلیق وئردی.

نهایتده رضائیان چوخ ناز ائتدیگی اوچون زنوزی اوندان واز کئچیب، اوستونه جیزیق چکدی. آنجاق نتیجه ده رضائیان هم تراختورو و سونرا پرسپولیسی ده الدن وئررک، اوسته لیک ایران ملی تیمینی ده الدن وئرمه لی اولدو. بئله لیکله رامین  ایستر _ایسته مز اسپانیا قارشی سیندا ایرانا ووردوغو گولدان گوجلوسونو اوز طالعینه ووردو.
نتیجه: تراختورون ییه سی (مالکی)، رقیبلری نین نئجه ناک اوت ائتمه یوللارینی کیفایت قدر بیلیر. او داها دوغروسو حاج صفی ایله سپاهانا، جباروف لا استقلالا، رضائیان و ترابی ایله ده پرسپولیسه «کیش» وئریب، اونلاری «مات» ائده بیله جه گینی ده فصلین سونو بللی ائده جک. هر حالدا بیز تراختورچو لار تیمیمیزین مصلحت لری و منفعت لرینی قوروماق اوچون مهندس زنوزی نین تدبیرلرینه دستک وئرمه لی و دوزوملو، حوصله لی اولماقلا ایشلری قاباغا آپارمالی ییق.

فرهاد آذربایجان

[تعداد: ۳۷    میانگین: ۳.۷/۵]
جدید ترین قدیمی ترین بیشترین امتیاز
اطلاع رسانی کن
هاشم از تهران
مهمان
هاشم از تهران

گوزل یولداشئم اللروز آغرماسئن، بیر نچه سوزلری ده منجه دَیشدیریپ اونلارئن یرینه آشاغئداکی تورکی سوزلری یازسان، داهی(داها) گوزل اُلاجاخ: نهایتده= سونوندا، مبارزه=دویوشماخ، ضعیفلندیرمه=گوجسوز لندیرمه=گوجسوز ائتمه، اساس= کوکوندن، نظره گلیر= گوروشور، حدسیز=آرتئق ، حساب سیز= سایی سئز، علاوه=آرتی ،مقاوله(قرارداد)= یازئشما یا دا سوزلشمه، پاتک= یوروش(یورش سوزی ده تورکی دن فارس دیلینه گیرمیش) ، کیفایت=یترلی ، نتیجه=سونوچ………سونوندا سن گوزل یولداشا گینه ده ساغول همده اللرون آغرماسئن دماخلا، سندن داهی گوزل یازئلاری گوزلیه جام

فرهاد آذربایجان
مهمان
فرهاد آذربایجان

سلام عزیزیم
سیز دوز بویروسوز و تام حاقلی سیز. آنجاق بیز چوخ چالیشیریق ساده یازیلسین. باشقا کامنت لره باخساز یازیبلار کی ساده یازین بیز ده اوخویا بیله ک. بیز بورادا ایسته میریک قلمیمیزین خالص اولدوغونو گوسترک. ایشین اولی دی. ساده یازماق ایله باشلامالی ییق.

ولی نیاری
مهمان
ولی نیاری

چوخ گوزل آنالیز ادیز جناب زنوزینی

حسین
مهمان
حسین

چوخ ساغ اولون .منجه ان آزی هر بئش اون گونده بیر یول بوجور اؤز دیلیمیزده یازی یازمالی سینیز.

فرهاد آذربایجان
مهمان
فرهاد آذربایجان

دیقت ایله سز تراختور اوچون تکجه بو سایت تحلیل یازیر … تورکجه یازماغی دا باشلامیشیق. اگر حمایت اولونساق ان آزی هفته ده ایکی تورکجه یازی یازا بیلریک. اونا گوره سیزین حمایت و تبلیغ لریز اوستونده حساب ائدیریک.

آوچی
مهمان
آوچی

منده اوز یریمده الریز آغریماسین دییرم چوخ دئیرلی و گوزلیدی …

ata bey
مهمان
ata bey

سالام ..چوخ دئیرلی و کفایت قدر عاغیلی بیر یازی و آنالیزیدی ..چوخلو بئیندیم

یاشار
مهمان
یاشار

چوخ گوزلیدی.یاشا