آنالیز فوتبال
آنالیز فوتبال
چهارشنبه, ۳۰ آبان ۱۳۹۷

تراختور – پیکان: ضعف لر و دوزه لیش لر

تراختور – پیکان: ضعف لر و دوزه لیش لر

تراختور بیر ۶ امتیازلیق اویوندا پیکانا غلبه ائدرک جدولین اوچونجو یئرینی توتدو. آنجاق بوندان اؤنجه اویونلاردا اولدوغو کیمی بو اویونون دا ضعف لرینه بیر نظر یئتیره ک:

باش مشقچی(سر مربی)

تقوی ۶۳ _نجو دقیقه ده نتیجه نی قوروماق فیکر ایله هری لی اروینی (هجومچو) اویوندان چیخارداراق طاهرانی (اورتا هافبک) اونون یئرینه گتیرمه سی ایله نتیجه ده تراختورون هجوم خطی دایاندیردی و پیکانین تضییق (فشار) لری و قارشی دا تراختورون استرسی آرتدی.

۱۰ دقیقه سورا فروزانین سهوی، داها دوغروسو تقوی نین بیرینجی سهوی نین نتیجه سی ایدی.

تقوی ۸۵-ینجی دقیقه ده نقی زاده نی قورلوشدان چیخارداراق آزادی نی هجوم خطینه آرتیردی. نتیجه ده او ایکی دییشمه نی (تعویض) یاندیردی یانی بیر هجومچونو (اروین) چیخاردیب اورتا هافبک (طاهرانی) گتیردی و سونرا اورتا هافبکی (نقی زاده نی) چیخاردیب هجومچونو (آزادی) یئنی دن گتیردی.

او، نقی زاده ایله طاهرانی دییشمه ایله ائلییه بیلردی هم هجوم خطینی (اروینی قورولوشودا ساخلاماق شرطی ایله) گوجلو شکیلده ساخلاسین هم نتیجه نی.

آنجاق اونون اوچونجو سهوی پهلوان ایله سوگیتانین گئج دَییشدیریلمه سی ایدی. بیر حالداکی سوگیتا یورلموش و توپ لاری الدن وئریردی.

بئله لیک له آرتیق ۵ اویوندان سونرا باش مشقچی طرفیندن اویونچولارین کیفایت قدر تانینماماسی گؤزه چارپیر هر حالدا بئله نظره گلیر زنوزی ان آزی فصلین یاریسینا قدر تقوی نی تراختورون باش مشقچی عنوانیندا ساخلالیاجاق.

آنجاق بوقایدانی فوتبالدا نظرده آلمالی ییق کی هئچ تیم تجربه سیز باش مشقچی ایله قهرمانلیق الده ائده بیلمه ییب.

ساغ و اورتا مودافیعه چی (دفاع راست و میانی)

بو گون سلیمی نین عبداله زاده یئرینه قورولوشدا یئرله شمه سی کیفایت قدر تراختورون مودافیعه بؤلگه سینی خطرلردن قورویا بیلدی.
آنجاق یئنه بو تیمین بیر اورتا مودافیعه چی و تجربه لی ساغ مودافیعه چی یه احتیاجی وار.

قاپیچی (دروازه بان)

فروزان هر ایکی اویوندان بیر، بیر خطرلی و دهشتلی سهو بوراخیر.
داها دوغروسو فروزان بو گونلر سوزلرینی اویون دا یوخ، مجازی دونیادا دئییر.

اونون آرتیق حاشیه لرینی قارشیسینی آلماق اوچون کولوپ (باشگاه) اونو باشا سالمالی دیر کی او تراختورا یاراشان قاپیچی کیمی داورانمالی دی.
یاریم فصل ده باشقا یوخاری بیر قاپیچی نین آرتیریلماسی بو ضعف لری قالدیرا بیلر.
نهایتده قهرمانلیغا باغلانان تیم ان آزی بورایا قدر بو ۳ اؤنملی ساحه ده دوزه لیش (اصلاح) لر ائتمه لی دیر.

فرهاد آذربایجان

[تعداد: ۴۴    میانگین: ۳.۵/۵]

7
دیدگاه بگذارید

avatar
7 نظرات
0 پاسخ ها
0 دنبال کنندگان
 
بیشترین واکنش
پرطرفدار ترین
7 نویسندگان دیدگاه
آرمانسعیدامیرتراختور♥atabey آخرین نویسندگان دیدگاه
  مشترک شدن  
جدید ترین قدیمی ترین بیشترین امتیاز
اطلاع رسانی کن
آرمان
مهمان
آرمان

فروزانان بیزه گلر چیخماز
نچه پستی ترمیم الساخ و بیر یاخچی خارجی مربی گلسه تراختور مدعی قهرمانی آسیا اولا بیلر

سعید
مهمان
سعید

یاشاسین. سرمربی هر زادان واجیب

امیر
مهمان
امیر

سرمربی خارجی
تیم هماهنگ اولور خارجی سرمربی ده گلسه تیمین اویونی یاخچیلاشار

تراختور♥
مهمان
تراختور♥

چرتپولیس در آستانه حماسه تاریخی 🙂 🙂
سارپ، چرتپولیسه نیه پست قویموسان؟ 🙂
گوی گئدیم اویونون خلاصه سینه باخیم گوروم نه جور اوتوزوبلار 🙂
سوگیتا دئدی دا کاشیما حمله ائله چرتپولیس جریخدی 🙂 🙂 🙂

atabey
مهمان
atabey

بیزیم باش مشقچیمیز تیمیمیز حدینده دئیل دونن تیمین هئچ بیر پلن و تاکتیکی یوخودو — بیرده بیزیم فوروارد لاریمیز ایستیلر اوزلری گل وورسونلار یانی استوکس و اروین چوخ سئویلر گلارین چوخاتسینلار تا بو کی تیم چوخ گل وورا دونن اونلار بیر چوخ یئرده اگر بیربیرلئریله پاسلاشسیدیلر بلکه اویوندا ۴ دا گل ووراردوخ

تراختورچی
مهمان
تراختورچی

منیم دوننکی کامنتیمی نیه گی مامیسیز

بابک
مهمان
بابک

بیزیک ان بویوک ضعف نقطه میز باش مشقچی دی. تیم ین هئچ بیر تاکتیکی و پلانی یوخ ایدی.